كل شئ عن المعهد المتخصص لتكنولوجيا الفندقة والسياحة

الشعب لي بالباك

_ agences de voyages (كاتقرا فيها على وكالة الأسفار والعلاقة لي كاتجمعها مع مختلف المجالات المتعلقة بالسياحة كالفندقة والنقل السياحي الجوي والبحري والبري)

_ animation touristique (ضاروري يكون عندك مع اللغات)

_ management hotiélier (تتقرى فيها بزااف دالحوايج مهم أي حاجة متعلقة بالفنادق)

⁦⁩* فاش تاتنجح فالعام الاول كتختار يا إما gestion hotélier ولا reception *

_ management touristique (تاتقرا فيها كل ما يتعلق (بالسياحة

الشعب لي بنيفو باك

_ art culinaire ( الطبخ و الباتيسري )

_ الاستقبالات

_ السيرفيس

_ النقل

⁦⁩ بالنسبة للتسجيل فنيفو باك باقي مستمر إلى غاية 30-6

⁦⁩ بالنسبة للتسجيل بالباك باقي مستمر إلى غاية 26-7

⁦⁩ بالنسبة للناس لي كيسولو واش ضاروري نكون حاصل على نقطة متميزة في الباك باش نتقبل من هاد القضية ماتخافش وخا يكون عندك 10 ولا11 ولا 12 كتقبل

⁦⁩ بالنسبة للناس لي كتسول واش ضروري تكون عندي اللغة. خويا ختي رآه اي حاجة غتقرى عليها فحياتك خاصك تسلك فيها راسك واللغة ولات كتلعب دور كبير وماشي مشكل متكونش عندك مع الإنجليزية ولا الفرنسية فالاول ولكن فاش غادي تشوف الناس كيفاش كتهضر وكيفاش تايتواصلو غادي يحفزوك انك دير محاولات باش تعلمها

نصيحة من عندي عمرك تسمع الناس شنو تاتقول تبع وتيق فراسك على داكشي لي باغي دير وبحث وقلب وعول على راسك يقدر يكون واحد الإنسان فشل فشي حاجة وغادي يقولك راه هاديك حاجة مصالحاش ليك ولكن مكايعنيش بلي تانتا اتفشل فيها حيت كل واحد عندو واحد القدرة والإرادة باش يبني حياتو ومستقبلو