كل ما تود أن تعرفه عن شعبة تسير المقاولات gestion des entreprises بالتكوين المهني
متدربين السنة الأولى من تسير المقاولات gestion des entreprises مرحبا بكم في هذا المقال التفسيري للجميع مواد هذا الشعبة les modules وجميع الإمتحانات السنة الأولى Les examen
السنة الأولى غادي تقراو تسع مواد ,كاين لي نظري(theorie) وكاين لي تطبيقي (pratique)
1- Métier et Formation.
2- Communication.
هاد المادة فيها 3 ديال الوحدات : العربية – الفرنسية – الإنجليزية
غالبا الأستاذ هو لي تايحدد الدروس و الترتيب ديالهوم …
ما فيهومش شي حاجة صعيبة, كتبوا داكشي لي غادي يتعطى ليكوم. لي قواعد حفظوه , لي تمارين طبقوه , لي أنشطة شاركوا فيهم…
3- Bureautique.
هادي أول مادة كاتخدموها فالحواسيب.. داكشي لي كايتقرا فيها بسيط بزاف يكفي تعاود طبقو فالدار و نفضل أنك تعمق كثر فهاد المادة من غير داكشي لي غادي تاخد فالتكوين
: و هادشي لي غادي تقراو فيها
MS Word
MS Excel
MS PowerPoint
MS Access
MS Outlook.
4- Logiciels.
هاد المادة هي ثاني مادة أتخدموها فالحواسيب, و لكن فآخر السنة غادي دوزوها على الورق -كيفاش و علاش الله أعلم- المهم واخا تاتبان صعيبة من سميتها فالتطبيق ساهلة
: فيها 3 ديال اللوجيسيالات
Logiciel Sage 100 – Comptable
Logiciel Commercial
Logiciel de Paie.
5- Marketing.
, هي مادة نظرية يكفي أنكم تقراو الدرس, تفهموه, تلخصوه و تحفظوه.
نظرا أنني عندي الكانة و الأسلوب ديال الشرح غادي نشرحها بالدارجة كي نلقا الوقت باش كلشي يفهمها و غادي نشارك معاكوم حتى الملخصات لي صايبت فالسنة الأولى
6- Environnement de l’entreprise (Management des organisations)
نفس الشيء بالنسبة لهاد المادة , نظرية خاسها تفهم, تلخص و تحفظ و غادي نفسرها حتى هي و نشارك الملخصات ديالها
الناس لي فايت ليهوم قراو فلافاك هاد المادة هي تقريبا المناجمنت
7- Comptabilité Générale.
هاد المادة غالبا كلشي تايخاف منها و تايسمع عليها صعيبة و معقدة و زيد و زيد , شخصيا عانيت معاها فالسيزيام و الباك , ماشي حيت صعيبة و إنما حيت أنا و ركزو على هاد أنا درت فبالي بلي مادة معقدة و ماعطيتهاش الوقت فالخدمة و كنتيجة مافهمتهاش و ماجبتش فيها مزيان و لي سولني عليها كنت كانجاوب معقدة و صعيبة
فالعطلة دالصيف عرفت بلي هاد المادة أتبقا تابعاني من مور الباك فينما قريت و قررت أنني نخدمها باش نخدمها نظرا أنني كنت صافي دوزت الامتحانات … قريتها من غووغل و يوتوب , بوحدي , و فهمتها و وليت كانفسرها للناس.
الشعبة ديالك ومستواك فالرياضيات ماعندهومش علاقة بها . يعني كنتي أداب , علوم, شريعة , مزيان فالرياضيات ولا ماكاتفهمهاش را الكونطا أدير فيها بالك أتولي كاطير فيها
الكونطا مقسمة ل 3 أجزاء هوما هادو – في أخرى نتعمق فيهوم-ء
CG I : Les concepts de base.
CG II : Les opérations courantes.
CG III : Les travaux d’inventaire.
8- Statistiques.
الإحصاء مادة تطبيقية, خاس تفهمو العلاقات الإحصائية و تحفظوهوم من بعد تخدمو التمارين بزاف ,المهم غادي ندير تدوينات على هاد المادة نشرح ما هو نظري و نشارك الروابط لي منهوم فهمتها
9-Entrepreneuriat
هاد المادة كاتعلم فيها شحال من حاجة كاتخص المقاول الداتي و ناس لي بغاو يديرو مشاريع ديالهم الى غير دالك اتقراو فيها الصفات ديال المقاول الناجح , العلاقات بين المقاولات الى غير دالك
---------------------------------------------------------------
من بعد ما عرفتو المواد لي أتقراو ندوي ليكوم على الامتحانات لي كاينين فالتكوين المهني
1- Les contrôles :
هادو الامتحانات الصغار, غالبا 2-3 فالمادة فوقما ساليتو واحد العدد ديال الدروس كادوزوهوم -ولا قوفما درتو الصداع و بغا الأستاذ يدير امتحان مفاجئ- المهم هادو تاتعرف بيهوم راسك كيف غادي … كان لي كايغولك مامحسوبينش , خدم ليهوم تقدر تحتاج نقاطهوم
2- Les EFMs : Examen Fin de Module
هاد الامتحان كادوزوه مرة وحدة فكل مادة فالتالي ديالها ولا فاش تايكون باقيليكوم غير شويا و تساليو الدروس كاملين المهم كايمثل نسبة 25 فالمئة من النتيجة النهائية ديال السنة الأولى و كاينين شي امتحانات جهوية بحال compta و marketing
دابا انحاول نهضر على Système جديد ديال هاد الشعبة مهم بالنسبة للسنة الأولى اتقراو ك جدع مشترك لعام التاني كاديرو تخصص لي نتوما بغيتو ولكن مايمكنش ليك دير Finance et comptabilité ونتا عندك نقاط طايحين ف كونطا بالنسبة ل options لي كاينين كاين :
Finance et comptabilité
Commerce et marketing
Office manager
Ressources humaines
بالإضافة إلى أنهم زادو 6 شهور ديال القراية مابقاتش سنتين ولات سنتين و 6 شهور.
صافي هادشي لي كاين … هادشي لي غادي تقراو فالسنة الأولى من تسيير المقاولات, حتى مادة ما صعيبة يكفي يكون عندكوم الانضباط الذاتي و تخدمو من اللول دالعام تال التالي
